Sekretari demokrat për marrëdhëniet me publikun, Edvin Kulluri, në emisionin ‘3 D nga Alban Dudushi’ në RTSH, komentoi se vendimi për vulën nuk e ndryshon aspak realitetin në terren pasi nuk zgjidh gjë në ambiciet e opozitës për të ardhur në p8ushtet për një seri faktorësh që është edhe e ndarë.
Sipas tij, kjo opozitë nuk vjen në pushtet, sepse lidershipi është i vjetër, i konsumuar dhe ‘non grata’.
“Ne ishim qemë bashkë dhe nuk fituam në 2021, si do fitojmë në 2025?”, pyeti Kulluri.
“Këto që po bëhen tani te rrugica janë spektakle ‘bukë dhe cirk’. Pas 33 vitesh bëhen bajate. Unë vij nga mbledhja e kryesisë dhe nuk ka opsion për tu bashkuar me Berishën. Do kemi opozitë që do rri në opozitë? Apo do kemi një opozitë që të vij në pushtet? Deri tani ka 11 vjet që jemi në opozitë. A ka një formulë? E përçarë nuk vjen dot në pushtet, as bashkimi mekanik nuk e sjell opozitën në pushtet. Dy copat që jemi sot ishin bashkë edhe në 2021 dhe humbën. Pse do të fitojnë në 2025? S’ka ofertë elektorale. Janë thjeshtë ping- pong nga Basha te Berisha. Është “një vër në ujë”. Isha 33 vjeç kur dolën në opozitë. Po bëhem 50 e ca e prapë në opozitë. Do bëhem mbi 62, prapë në opozitë. Nuk jam subjekt mitingjesh. Kush është kandidati për kryeministër? Ai në ballkon? Nuk vjen opozita në pushtet në këtë mënyrë”, tha Kulluri.
/a.r
