Dy ditë pas protestës në një deklaratë për mediat, kryetarja e LSI, Monika Kryemadhi paralajmëroi se tubimet do të vijojnë deri në largimin e Ramës nga pushteti.
Kryemadhi tha se protesta e së shtunës ishte vetëm fillimi, i asaj që ajo e ka quajtur ‘beteja e parë drejt një lufte pa kthim deri në rrëzimin e Ramës’.
“Nesër do të jemi më shumë, se protesta sapo ka nisur, beteja e parë drejt një lufte pa kthim deri në rrëzimin e klikës. Falënderoj policët që bënë detyrën dhe nuk u bënë pre e provokimeve të qeverisë që tentonin të provokonin turmën, ashtu si dënon ata policë që ndaluan dhe mbajtën me orë të tëra protestuesit nëpër rrugë. Falënderoj mediat, falënderoj grupin organizator që e realizuan me sukses. Protesta nuk është thjesht një parakalim para godinës ku gatuhet krimi në vend, por për ti treguar Ramës dhe atyre që e mbajnë atë se sapo ka filluar beteja për ta rrëzuar atë. Nuk është në dorë të opozitës, por që e bën gjithë populli kundër varfërisë, pabarazisë, krimit, emigracionit, klikës që po i varfëron. Protesta është fillimi, se axhendën e opozitës nuk e bën më opozita, por shqiptarët”-tha ajo
a.ç
