Monika Kryemadhi tha sot se opozita i ka provuar të gjitha hapat institucionalë për ta penguar mazhorancën.

Ajo u shpreh se Kuvendi quhet legjitim vetëm në momentin kur ka 140 deputetë.

Deklarata e kryetares se LSI erdhi në përfundim të protestës. Kryemadhi u shpreh se qeveria është kthyer në institucion që bën qoka për grupe të ndryshme interesi.

Ajo kërkoi zgjedhje të reja, por pa Edi Ramën kryeministër.

“Opozita i ka bërë të gjitha detyrat e saj. Parlamenti është funksional dhe legjitim në momentin që ka 140 deputetë.

Por këtë shans nuk do ta ketë. Mazhoranca është ‘shah mat’ sepse ka dosjen 339 që është e hapur me SHBA dhe BE.

Si dhe dosjen 184 që e ka fshehur” – tha kryetarja e LSI-së.

Çuditshëm, Kryemadhi u ndal në Bashkinë e Roskovecit.

“Isha para ca ditësh në Roskovec dhe njerëzit po shkumëzonin. Ajo bashki është kthyer në lavatriçe pastrimi parash. Më thanë njerëzit, zonja Monika nuk kemi më gjak për t’na e pirë”.

/javanews/a.rada