Monika Kryemadhi hodhi sot sërish akuza për mazhorancën duke u shprehur se kjo e fundit po pasuron kriminelët dhe po degëdis shqiptarët.
Deklaratat erdhën në mbledhjen e ish-grupit të LSI, ndërsa shtoi se pranimi I mandateve nga deputetët e rinj është një paradoks.
“Në do të garantojmë zgjedhjet e parakohshme me qeveri tranzitore. Duke iu ofruar shqiptarëve atë mundësi të mohuar prej 30 vitesh. Ka ardhur koha që djegia e mandateve të konsiderohet si interes publik. Ata pak njerëz që kanë mbetur në Shqipëri kuptuan që ky ishte akti final për të ndërgjegjësuar publikun dhe ndërkombëtarët. Nga sot e tutje, politikanët duhet ta kenë frikë popullin” – tha Kryemadhi.
E pyetur nëse po përgatitet opozita për zgjedhjet parlamentare, ajo tha:
“Sigurisht që po përgatitem çdo ditë e më shumë. Kandidatët tanë do të vetohen, për të mos pasur më kandidatë me konflikte interesi dhe që përdorin mandatet për veten e tyre”.
Ajo tha se Aleksandër Vuçiç u tregua më i zgjuar sesa Edi Rama, pasi shpalli zgjedhjet e parakohshme.
/a.r
