Qeveria ka menduar një nismë ndihmëse për prindërit që kujdesen për fëmijët me aftësi të veçanta.
Nga njësia nr.4, kryeministri Edi Rama u shpreh se prindërit që kujdesen për këta fëmijë, do të përfitojnë pension, pasi sigurimet shoqërore do u paguhen nga shteti. Kjo ndihmë do të nis nga akti i radhës në qershor.
“Kujdestarët, prindër apo të afërm të fëmijëve me aftësi të veçanta dhe që janë të detyruar të qëndrojnë në shtëpi për tu kujdesur për fëmijën, nuk do të rrinë pa pension. Do ja u paguaj shteti sigurimet dhe do filloj nga akti i qershorit. Do dyfishojmë shpërblimin për prindërit me aftësi të veçanta. Diçka që është e mirëpritur, do ishte mirë të ishte bërë më parë por nuk kanë qenë mundësitë. Ajo që është inkurajuese është që rritja vazhdon të jetë e qëndrueshme, dhe shpresojmë mos ndikojë nga zhvillimet jashtë”, tha Rama.
