Kryetarja e LSI-së Monika Kryemadhi e ftuar në studion e lajmeve të Abcnews ka komentuar edhe dëgjesat që bën kryeministri Edi Rama me qytetarët në të gjithë vendin.
“Më duket se një nga portalet e zbuloi që nuk ishin live, por me regjistrim. Për mua s’janë më dëgjesa, një skenar i ndërtuar për të bërë gjyqet e popullit nga individë…si lajme vere që duan të heqin vëmendjen nga farsa e zgjedhjeve të 25 qershorit, se edhe mediat edhe njerëzit merren me politikanët e korruptuar, jo me atë që ka ndodhur.
Një lloj propagande, makiane e propagandës e PS ka ecur gjithmonë mirë për të bërë marketing lajmesh”, tha ajo.
Duke analizuar humbjen e Lulzim Bashës, Kryemadhi i kujtoi atij një gabim, që ka bërë.
““Historia e marrëveshjeve jo transparente duhet të marrë fund. Mendoj që e dëmtoi marrëveshja e 17 majit, ndonëse kam qenë partizane që të hynin në zgjedhje”, deklaron Kryemadhi.
a.ç
