Kryetari i Bashkisë së Vlorës, Dritan Leli, gjatë ditës së djeshme ka inspektuar punimet që po kryhen në rrugën pranë nënkalimit të Panajasë. Kryebashkiaku i Vlorës Dritan Leli i është përgjigjur kritikave të LSi se në Vlorë nuk është investuar në infrastrukturë. Tre ditë më parë ka qënë Shezai Rrokaj, por dhe drejtues rinorë të LSI që e kanë cilësuar Vlorën një skandal për nga infrastruktura. Reagimin i Lelili ka ardhur gjatë ditës së djeshme teksa ka inspektuar punimet që po kryhen në rrugën pranë nënkalimit të Panajasë.
“Unë kam zgjedhur të punoj. Shumë bëjnë politikë, shkëmbejnë debate dhe mesazhe për të tuar ca vota më tepër. Unë kam zgjedhur që tu shërbej qytetarëve, që ti shërbej Vlorës, ti shërbej të gjithë atyre që kanë zgjedhur të jetojnë në territorin e Bashkisë së Vlorës. E gjitha kjo me qëllimin e vetëm: ta bëjmë Vlorën qytetin e dytë më të rëndësishëm në Shqipëri sepse e ka të gjithë potencialin për të qenë një qytet i tillë, ka të gjitha energjitë njerëzore për të zhvilluar ekonominë”, theksoi kryebashkiaku Leli.
kreu i Bashkisë së Vlorës deklaroi se qytetit është shndërruar në një kantier ndërtimi dhe së shpejt shumë rrugë do të përfundohen.
“Ajo që më vjen keq dhe konstatoj janë punët publike, sidomos akset e mëdha për të cilat shfrytëzoj rastin përmes mediave tu transmetoj mesazhin që të punohet më fort për të shtyrë përpara këto punë të mëdha publike siç janë Bypass i Vlorës dhe ai i Fierit, të cilat nuk kanë ecur me ritmin që qytetarët do të donin dhe që Vlora turistike do të donte të kishte në këtë prag sezoni turistik”, u shpreh Leli
a.ç
