Milani po mësohet me humbjet. Kuqezinjtë pësuan disfatën e katërt radhazi në Serinë A, pasi u mundën nga Sampdoria në San Siro me rezultatin 0-1.
Kështu, pas humbjeve me Napolin, Juventusin, Udinezen dhe Sampdorian, skuadra e drejtuar nga Vincenzo Montella e sheh të vështirë një vend në Evropë për sezonin e ardhshëm, duke qenë se për momentin renditet në vendin e tetë të klasifikimit.
Edhe pse pati zotërimin e topit, Milani nuk arriti të konkretizonte rastet e pakta për shënim, ndërsa nga ana tjetër, Muriel arriti të kthente në gol një penallti të dhuruar nga Paletta në pjesën e dytë.tch/a.k
