Zbardhen të tjera detaje nga krimi i rëndë brenda familjes Nika në Xhafzotaj të Durrësit, Autori, Leonard Nika, 29-vjeçar ndodhet në gjendje të ngarkuar mendore pas krimit. Ai ka thënë në polici se ka pasur sherr me prindërit për çështje parash. 
Djali vrases ka thene se ka qenë shumë i ngarkuar, e ka kaluar gjithë natën pa gjumë pas një debati që patën për para, pasi mesohet se ai i kishte kerkuar prinderve para qe te kthehej ne Itali.
“Debati nisi per ceshtje parash, pas sherrit une e kalova gjithe naten pa gjume dhe shume i stresuar. Nuk e mbaj mend se si i kam qelluar prinderit”- mesohet te kete thene ai para policeve.
Aktualisht ai ndodhet nen mbikeqyrjen e policise dhe do te kerkohet ekspertize per gjendjen e tij mendore.
I riu qëlloi për vdekje babanë Ali Nika, 70 vjeç, dhe nënën Junije Nika, 66 vjeçe, që jetonin në Xhafzotaj. Ngjarja është regjistruar mëngjesin e djeshëm në orën 07:55, ndërsa policia bëri të mundur arrestimin e autorit disa momente më vonë.
Policia ka nisur hetimet për zbardhjen e shkaqeve të ngjarjes, ndërsa mundësia e vetme për të mësuar të vërtetën është versioni i 29- vjeçarit, i cili veçse autor, mbetet edhe si i vetmi dëshmitar i asaj çfarë ka ndodhur në familjen Nika.
Dje pas krimit autori eshte shfaqur shume konfuz dhe ka qene e pamundur t’i merrnin nje deshmi.
“Motivi i ngjarjes për momentin mbetet mister, pasi autori, i cili është alternativa e vetme për të mësuar se cili ishte shkaku i konfliktit me prindërit është në gjendje të rënduar psikologjike dhe e ka të pamundur për të treguar se çfarë ka ndodhur në të vërtetë. Ai qëndron i heshtur. Ka probleme psikologjike dhe do të gjejmë një moment tjetër për ta marrë në pyetje, pasi nuk është në gjendje të tregojë se çfarë ka ndodhur. Kemi mësuar se ai vuan nga depresioni dhe mjekohej prej disa kohësh nga kjo sëmundje”, thanë burime nga grupi hetimor.
Sipas të dhënave, pasi është kthyer nga Italia, ai e ka çuar bashkëshorten dhe fëmijën te prindërit e saj që të rrinin disa ditë. Ndërsa vetë kishte qëndruar me prindërit. I riu vinte shpesh për t’i vizituar dy prindërit me të cilët figuron ende në trungun familjar.
