Deklaratat e Ramush Haradinajt se i ka votat që të bëhet kryeministër, quhen patetike nga kryetarja e Alternativës, Mimoza Kusari-Lila.
Një pretendent për kryeministër i një vendi demokratik, sipas Kusari – Lilës, nuk mund të thotë se i ka numrat për formimin e qeverisë duke bërë kontrabandë deputetësh.
“Është patetike prej Haradinajt të thotë se i ka siguruar numrat. A nuk po flasim për një shtet që shpejt do të ballafaqohet me çështje të mëdha, të thotë se i ka numrat dhe deputetët. Sot mund të flas për vetën dhe Dedën dhe prej asaj që kam dëgjuar nga të tjerët.
Nuk ka hapësirë për bashkëpunim me koalicionin PAN”, ka thënë ajo në Rubikon të KTV-së.
E bashkëthemeluesi i Alternativës, Ilir Deda ishte ai që e votoi mocionin e votbesimit për rrëzimin e qeverisë.
Sot të njëjtët gjenden në koalicion me LDK-në. Për këtë, Kusari – Lila tha se ishte një veprim i drejtë i Dedës. Kjo ngase koalicioni nuk kishte më efikasitet.
“Arsyeja ka qenë se ka qenë shumë e shpejt. Ka mundur që të shtyhen zgjedhjet deri në shtatore. Definitvisht të gjithë e kemi vërejt që periudha ka qenë shumë e shkurtë dhe kjo ka reflektuar edhe në rezultat”, ka thënë ajo. (b.an)
