Parandalohet një ngjarje e rëndë në Vlorë. Një 57-vjeçar ka rënë në prangat e policisë, pasi tentoi që të digjte banesën e vëllait të tij.
Ngjarja ndodhi në lagjen “4 Heronjt”. Burime zyrtare bënë me dije se gjithçka ka nisur pas një konflikti për motive banale, ku dyshohet se shtetasi me inicialet M. B., tentoi të digjte banesën e të vëllait, shtetasit me inicialet K. B,. Fatmirësisht ngjarja u parandalua, ndërsa autori i dyshuar u arrestua.
“Shërbimet e Komisariatit të Policisë Vlorë, pas njoftimit se në lagjen “4 Heronjt”, në ambientet e banesës së shtetasit K. B, kishte shkuar vëllai i tij dhe po tentonte t’i digjte banesën, menjëherë kanë shkuar në adresën e dhënë, duke parandaluar përshkallëzimin e mëtejshëm të ngjarjes dhe shoqërimin e shtetasit M. B.
Në përfundim të veprimeve, nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit M. B., 57 vjeç, banues në Vlorë.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprën penale “Dhuna në familje”.”, thuhet në njoftimin e policisë./m.j
