Pas takimit me sipërmarrës italianë, kreu i PD-së, Lulzim Basha ka nisur takimin me biznesin gjerman, për shpalosjen e programit të demokratëve. Në fjalën e mbajtur, Basha akuzoi qeverinë për gjendjen e shqiptarëve, teksa kujtoi se në këto kater vjet taksat jane rritur me 1,5 mld USD dhe cdo shqiptar ka paguar 500 usd taksa shtesë.
“Ne do të vendosim taksën e sheshtë 9 për qind. Tatimi mbi dividentet do te zerohet. TVSH do te kete nje shkalle te vetme tatimore prej 15%”- theksoi Basha.
Sipas tij, tatimi i biznesit te vogel do te jete kuote fikse, 1,5% te xhiros e cila do te zevendesoje tatimin mbi te ardhurat dhe TVSH. Basha premtoi se paratë e taksave do të jenë në shërbim të taksapaguesit.
“Abuzimet që i kane kushtuar buxhetit të shtetit 310 mln USD për luks do të marrin fund. Këto para do u kthehen qytetarëve përmes investimeve që sjellin zhvillim, mirqënie dhe punësim”- tha ai.
Sipas Bashës, të gjitha kontratat publike do të bëhen transparente dhe nuk do të lejohet asnjë konkurim me një kandidat në garë. Basha theksoi se me të në krye të qeverisë nuk do të ketë më tendera e koncesione per klientet e qeverise.
“Keto kater vjet, 230 milionë dollare i kane marrë 11 persona te lidhur me Ramen. Pagesat nga arka e shtetit për 6 kontrata kapin shifrën skandaloze 68 miliardë lekë, ose rreth 500 milionë euro, ku vetëm për këtë viti do të paguhen 71 milione dollare”- tha ai. /ma.me
