Kreu i qarkut Shkodër, përçahet PS-LSI, socialistët votojnë për kandidaten demokrate
Tashmë është më se e qartë që marrëdhëniet mes Partisë Socialiste dhe Lëvizjes Socialiste në Shkodër janë në minimumin historik. Zgjedhja e kryetares së qarkut të Shkodrës ka sjellë edhe zyrtarizimin e krisjes mes PS-së dhe LSI lokale. Pesë vota të anëtarëve të koalicionit të majtë për kandidaten e djathtë në garën për kreun e qarkut të Shkodrës, ku demokratja Greta Bradeli kishte përballë kandidatin Agustin Gjoka të propozuar nga Lëvizja Socialiste për Integrim.
Qarku ka 21 anëtarë nga të cilët 11 janë anëtarë të Partisë Demokratike dhe një nga Partia Republikane, ndërsa nga e majta, 6 janë socialistë, një i LSI dhe tre nga partitë aleate.
Por në fund rezultati i votimit doli 16 për kandidaten demokrate me 5 për kandidatin e majtë. Të gjithë këshilltarët ishin në votimin që tregoi rrjedhjen e gjysmës së votave të përfaqësuesve socialistë dhe aleatëve të tyre në këshillin e qakut të Shkodrës.
