Presidenti rus Vladimir Putin dhe presidenti amerikan Donald Trump mund të takohen në nëntor, në margjinat e samitit të Bashkëpunimit Ekonomik Azi-Paqësor (APEC) në Kinë, nëse të dy marrin pjesë.
Deklarata u bë të dielën nga Yury Ushakov, këshilltari i Kremlinit për politikën e jashtme. Sipas tij, nëse të dy liderët do të jenë të pranishëm në të njëjtin aktivitet, një takim mes tyre është i mundshëm.
Ushakov sqaroi se aktualisht nuk ka sinjale apo plane konkrete për një takim të tillë, duke theksuar se samiti i APEC-ut është ende rreth tre muaj larg dhe se përpara tij priten zhvillime të tjera ndërkombëtare.
Ndërkohë, ministri i Jashtëm rus Sergej Lavrov deklaroi se vendet e NATO-s dhe Bashkimit Evropian nuk do të mund të distancohen publikisht nga mbështetja ushtarake për Ukrainën dhe nga ajo që Moska e konsideron si politikë anti-ruse.
Lavrov tha se Rusia do të marrë në konsideratë veprimet e qeverive të Britanisë, Francës, Gjermanisë dhe vendeve të tjera të NATO-s dhe BE-së, të cilat ai i cilësoi si pjesë të një “elite hapur rusofobe”.
Sipas tij, përpjekjet për t’u distancuar publikisht nga kjo politikë “nuk do të funksionojnë”.
