Për herë të parë, në zgjedhjet e 11 majit emigrantët do të mund të shprehin vullnetin e tyre përmes votës në shtetin mëmë.
Lavdrim Krashi, deputeti për Diasporën, u shpreh për ‘Real Story’ se sa më e lartë të jetë pjesëmarrja e Diasporës në votime, aq më i lartë do të jetë zëri i tij për t’i mësuar politikës që duhet të kenë programe të dedikuara për Diasporën. Krashi vijoi më tej duke përmendur se Rama ka qenë faktori kryesor për miratimin e votës së Diasporës.
“Secili emigrant mund të sjell përvojën e tij për 20 apo 30 vite. Jemi në një situatë ku në Londër të shkosh te banka dhe oficeri që të këshillon të jetë shqiptar, apo në bashki dhe autoritete. Ka dhe anëtarë të Këshillit Bashkiak që janë shqiptarë, kemi në Suedi.
Sa më shumë shqiptarë të regjistrohen aq më shumë i lartë është zëri i Diasporës për t’i mësuar politikës që duhet të kenë programe të dedikuara për Diasporën, por dhe në zgjedhjen e kandidatëve duhet të jenë të kujdesshëm. Shumë nga kolegët tanë që flasin për Diasporën se kanë provuar çfarë do të thotë emigracion. Kurrë nuk kam dëgjuar që të thotë diçka negative dhe Rama ka qenë faktori kryesor për miratimin e votës së Diasporës”, tha ai.
