KQZ ka miratuar me 6 vota pro dhe asnjë kundër tabelën e re të dalë nga rinumërimi i 64 kutive.
Ndërkohë, përfaqësuesi i PS-së në KQZ është shprehur mbledhjen e mbrëmjes së sotme se kërkesa e PDIU për rinumërim të të gjithë qarkut Tiranë nuk duhet të merret parasysh.
Po ashtu, Denar Biba ka kërkuar rrëzimin e pretendimeve të PDIU. Ndërkohë, Gëzim Veleshnja nga LSI është shprehur se ligji nuk është hipotezë. Sipas tij, kërkesa duhet të rrëzohet.
Kështu, kërkesa e PDIU është rrëzuar me 6 vota kundër, pavarësisht se përfaqësuesi Erion Manohasa tha se kishte prova shtesë.
Duke i dhënë fund këtij hetimi administrativ, Shpëtim Idrizi nuk e merr mandatin e deputetit duke mbetur jashtë Kuvendit për legjislaturën e ardhshme dhe duke e lënë PS-në si fituese të 18 mandateve në Tiranë. /b.d
Debati në KQZ:
PS: Humbja nuk justifikohet kështu, por me bazë ligjore. U hapën kutitë, PDIU nuk doli fituese. Kërkohet të numërohet Tirana pa asnjë provë. Prova filmike nuk kanë, plus jemi jashtë afateve të kërkesës.
PDIU: Kërkesa nuk është e re, por e bërë në vijim
LSI: Ne jemi për transparencë
Osmani anëtar i KQZ: Cfare prove te re keni?
PDIU: Prova e re janë fletët ë numëruara sot, që ka tjetërsim
PS, Denar Biba: Kërkesa për të hapur të gjithë kutitë në Tiranë është abuzive, të rrëzohet
Bledar Skënderi: PDIU nuk ka respektuar procedurën në kërkesën e saj
PDIU: KQZ nuk bëri transparencë për mandatin në qarkun e Tiranës
PDIU, përfaqësuesi ligjor:Jemi begatuar pa shkak (te qeshura ne sallen e KQZ)
PS:Rezultati ishte i qartë, mandati i 18 i takon PS, ashtu sikur kanë votuar qytetarët e Tiranës. Rezultati u certifikua edhe nga KQZ pas rinumërimeve që u bënë në kutitë që kontestuan
PD: U kerkojme ndjese te gjithe partive qe i kemi begatuar pa shkas (Pas deklarates se perfaqesuesit te PDIU)
