Komisionerët e 118 Qendrave të Votimit për zgjedhjet e pjesshme në Dibër që do të zhvillohen këtë të diel nuk kanë marrë pjesë në trajnimet e planifikuar nga KQZ nga data 7-9 shtator 2016.
Sipas KQZ nga 826 komisionerë të cilët kanë detyrimin ligjor për të marrë pjesë në sesionet e trajnimit të organizuara nga ky institucion në ditën e parë të trajnimit nuk mori pjesë asnjë komisionerë, ndërsa në ditën e dytë të trajnimit, kanë marrë pjesë vetëm 45 prej tyre.
Sipas KQZ, trajnimi i komisionerëve të QV-ve është një detyrim ligjor i KQZ-së, por partitë politike duhet të bashkëpunojnë me këtë institucion për të dërguar komisionerët e propozuar prej tyre, për t’u trajnuar, pasi mirë menaxhimi dhe mirë administrimi i procesit zgjedhor është ngushtësisht i lidhur me veprimtarinë e komisionerëve të Qendrave të Votimit.
KQZ i’u bën thirrje partive politike të bashkëpunojnë dhe të dërgojnë komisionerët e QV-ve të propozuar prej tyre, duke shfrytëzuar ditën e premte, datë 9.09.2016, e cila është dita e fundit për ofrimin e trajnimeve nga KQZ, sipas skemës së trajnimit, e bërë publike tashmë./noa.al/a.k
