Komisioneri Zgjedhor Ilirjan Celibashi i ka bllokuar mazhorancës socialiste një tjetër projektligj pas TVSH-së për Bujqësinë dhe “Paketës së Maleve”, të cilat u rrëzuan nga KAS pas ankimimit të Kuvendit.
Këtë herë bëhet fjalë për projektligjin e propozuar nga deputeti socialist Nasip Naço te Rendi dhe Siguria, për Burgjet e Hapura, pra kalimi i të dënuarve që plotësojnë kushtet, nga burgjet e sigurisë së zakonshme tek ato të hapura, ku i dënuari mund të punojë ditën dhe të kthehet në godinë gjatë natës.
KQZ e konsideron atë si një projektligj që “favorizon kategori të caktuara të popullsisë”, në këtë rast të dënuarit dhe se ka efekt elektoral, pasi është brenda 4 muajve që paracakton ligji, kur zgjedhjet mbahen më 11 Maj.
Por Kuvendi nuk është dakord dhe pasi ka shqyrtuar njoftimin e bllokimit nga KQZ, i marrë më 19 shkurt, është kundërpërgjigjur me një ankimim në Komisionin e Ankesave dhe Sanksioneve (KAS). Kuvendi dhe Komisioni shprehen se Komisioneri Celibashi ka 2 pasaktësi juridike në vendimin e marrë, pasi ky projektligj nuk përfshihet tek ndalesat që parashikon ligji për zgjedhjet.
Madje ky projektligj sipas tyre nuk ka të bëjë me përfitime të dënuarish, pasi nuk ndryshohen vendimet e gjykatave. KAS pritet të mblidhet për ta shqyrtuar këtë ankimim të Kuvendit, me nr. 2, i depozituar në KQZ.
Sot (20 shkurt) u hodh shorti për caktimin e relatorit, ku doli emri i Ilirjan Rusmalit.
Ky CeloBashi, sikur ka kaluar komplet me PD-në ?
Që është kunati i Fatmir Mediut ( kunati i shokut Xhemal), këtë e dimë. Gruaja e Celibashit, është motra e Fatmir Mediut.
Ka mbetur vetëm të marrë teserën e anëtaresisë në PD.