Sekretari amerikan i shtetit, Mike Pompeo ka anuluar papritur vizitën e tij në Gjermani, vetëm pak orë para se ai të mbërrinte në Berlin, për shkak të disa problemeve të rëndësishme.
“Fatkeqësisht, ne duhet të riplanifikojmë axhendën e Berlinit, për shkak të problemeve të rëndësishme”, tha zëdhënësja e departamentit të shtetit, Morgan Ortagus.
Ajo shtoi se takimet e planifikuara me kancelaren Angela Merkel dhe ministrin e jashtëm Heiko Maas, do të caktohen në një datë tjetër.
Në Gjermani, ndërkohë, Pompeo do diskutonte me kancelaren Merkel për çështje të interesit të përbashkët, si Ukraina, Rusia, Kina e Siria, e por për disa çështje në Ballkanin Perëndimor, ku çështje qendrore tashmë janë marrëdhëniet mes Kosovës dhe Serbisë.
/a.meta
