Sinan Bytyçi, 22-vjeçari që deri vjet ishte një nga futbollistët që po monitorohej nga Gurdiola për t’u afruar në ekipin e parë, u detyrua të linte futbollin për shkak të problemeve në zemër.
Gjithsesi klubi anglez nuk e la shqiptarin me origjinë nga Kosova mes katër rrugve, por i ofroj mundësinë të punonte si skaut për të monitoruar talentet. Bytyqi në një intervistë të fundit pasi ‘u pensionua’ nga futbolli i luajtur është shprehur:
“Merrem me lojtarët që Manchester City ka huazuar nëpër botë. Jemi një skuadër prej 6 personash dhe detyra ime është ajo e vëzhgimit. Unë i mbështes, i ndihmoj dhe në fund bëj një raport për paraqitjen e tyre në fushë”, thotë Bytyqi.
Në shtator të vitit 2014, Bytyqi pati mundësinë të ulet në stol të skuadrës angleze, për një ndeshje të Kupës së Ligës, pas dëmtimit të papritur të mbrojtësit Nastasiç. 22-vjeçari ka pasur fatin të jetë për një muaj nën urdhrat e Pep Guardiolës. Ai e kujton kështu atë periudhë:
“Ishte fazë përgatitore dhe kam mësuar më shumë në atë muaj sesa në të gjithë karrierën time. Kur të vinte një pasim, Guardiola të thoshte si duhej të ndaloje topin dhe të paraqiste situata të ndryshme loje në varësi të ndalimit të topit. Kjo nuk ndodh me trajnerët e tjerë”. (Bw)
