Kandidati i Partisë Demokratike për Bashkinë e Tiranës, Halim Kosova, ka vijuar takimet e tij me qytetarët, teksa ditën e sotme ka zhvilluar një “Forum për mjedisin”.
Në fjalën e tij Kosova tha se mbrojtja e mjedisit është pjesë e programit të tij. Edhe pse nuk ka shpjeguar ende se çfarë do të bëjë ai për ndërtimet tek diga e Liqenit Artificial, që po prekin kurorën e vetme të gjelbër në Tiranë, kandidati i PD tha se do të bashkëpunojë me ambientalistët më të mirë, për të bërë më shumë për mjedisin.
“Në duhet të bëjmë më shumë për mjedisin, e unë jam i angazhuar për këtë. Shëndeti i qytetit, është shëndet për ju. Ne do të kthejmë oksigjenin në kryeqytet. Përkrah meje do të jenë ekspertë më të mirë të mjedisit, për t’u përpjekur që në çdo vend ku ka mundësi të mbjellim një pemë, të ndërtojmë një park, të ndërtojmë një kënd lojërash”, tha kandidati i djathtë për Bashkinë e Tiranës.
