Nxënësit shqiptarë gjithnjë kanë qenë një ndër përfaqësuesit më të mirë të vendit tonë kudo në botë. E fundit është 18 vjeçarja Gresa Mustafa, e lindur në Preshevë e cila ka marrë çmim prestigjoz nga Presidenca e Shteteve të Bashkuara të Amerikës si një nxënëse e ekselencës.
Janë vetë familjarët e 18 vjeçares shqiptare të cilët kanë konfirmuar oër JavaNews.al se Gresa Mustafa është një ndër të paktat nxënëse të shkollave të mesme e cila ka marrë çmim prestigjoz në konkursin që organizon çdo vit Presidenca e SHBA. Po ashtu JavaNews.al ka mësuar se 18 vjeçarja është edhe një e afërme e kreut të komunës së Luginës së Preshevës Ragmi Mustafa
Ka qenë Presidenti i SHBA-së Barack Obama që i ka dhënë Mustafës çmimin “Academic Excellence” për talentin e saj në aktrim, ndërsa në adresë të 18 vjeçares pas këtij nderimi nuk kanë munguar as ofertat për bursa studimi në Universitete më në zë amerikane.
Gresa Mustafa është nxënëse e “Glenbard North High Schol” në Chikago , kupjesën më të madhe të ditës e kalon në teatër. Ajo njihet ndryshe edhe si interpretuese në shumë role në shfaqjet e Tetatrit të të rinjëve në qytetin e Chikagos.
