Prishtina zyrtare ka planifikuar të mos e thotë të vërtetën në takimin e parë të Këshillit të Stabilizim-Asociimit, që do të mbahet të premten në Bruksel. Do të flasë për suksese e jo për “detyrat e papërmbushura”, shkruan “Koha Ditore”.
Për llogari të këtij takimi të parë mes Kosovës e Bashkimit Evropian, Qeveria e ka hartuar një “Dokument Kombëtar të Qëndrimeve”, një kopje të së cilit e ka siguruar gazeta, transmeton Koha.net.
Aty ka listuar vetëm veprimet e ndërmarra konform kërkesave të Marrëveshjes së Stabilizim-Asociimit (MSA), e firmosur një vit më parë. Mirëpo, nuk ka përfshirë fare ngecjet e evidentuara në raportet periodike mbi përmbushjen e Programit Kombëtar për Zbatimin e MSA-së. Dhe, ngecjet janë të shumta. (b.an)
