Vitin e kaluar edhe Kosova përmes EULEX-it kishte lëshuar fletarrest ndërkombëtar për krime lufte ndaj deputetit të Kuvendit të Serbisë, Momir Stojanevic.
Burime brenda EULEX-it tregojnë për KosovaPress, se Qeveria e Kosovës nuk ka pasur juridiksion për trajtimin e krimeve të luftës deri sa ka hyrë në fuqi ligji nr. 04/L-273 që lidhet me mandatin e Misionit të Bashkimit Evropian për Sundimin e Ligjit në Kosovë.
“Serbia nuk ka lëshuar asnjë fletëarrest ndërkombëtar për shtetas të Kosovës prej vitit 2010. Këto raste në të kaluarën janë ndërtuar në bashkëpunim me UNMIK-un dhe EULEX-in. Por, prej vitit të kaluar pas delegimit të kompetencave të tyre në prokurorinë e shtetit, raste përmes EULEX-it në Interpol ka deponuar edhe policia e Kosovës. Njëra prej tyre, për të cilin ka edhe fakte, është deputeti i Kuvendit të Serbisë, Momir Stojanevic”, thotë ky burim për KosovaPress.
Vitin e kaluar, përmes EULEX-it në Interpol, sipas këtij burimi ishte lëshuar ‘kartelë e kuqe’ për arrestimin e 17 ish-pjesëtarëve të Ushtrisë Jugosllave për dëbim dhe dhënie urdhri ekzekutimi, duke përfshirë edhe deputetin e partisë së Vuçiçit në Serbi, Momir Stojanovic.
“Kartelat e kuqe”, ishin lëshuar si rezultat i hetimit për atë që kishte ndodhur më 27 dhe 28 prill në fshatrat Meja, Korenica, Orize dhe fshatrat e tjerë në zonën e Rekës e Keqe.
Deputeti Stojanovic është aktualisht kreu i komisionit për sigurinë në parlamentin serb. /KosovaPress/
