Një skandal është shënuar në ndeshjen e sotme në kampionatin holandez mes skuadrave të Twentes dhe Sparta Rotterdamit ku është shpalosur një flamur i hartës së Kosovës të mbuluar me flamurin serb.
Përveç gjashtë golave që u shënuan në stadiumin “De Grolsch Veste”, në tribuna u pa flamuri që përdoret vazhdimisht për të provokuar polemika dhe tensione të panevojshme. Pavarësisht se Holanda e ka njohur Kosovën si shtet të pavarur, politika vijon të jetë e pranishme në sport dhe këtë e tregon edhe akti skandaloz i tifozëve të Twentes që ka synim të përhapë urrejtje ndaj shqiptarëve të Kosovës.
Në flamurin e shfaqur në tribuna nga tifozët e Twentes, shihet harta e Kosovës dhe brenda saj flamuri i Serbisë, ndërsa shkruhej “Kosova është Serbi”.
