Që kandidati i Partisë Demokratike Halim Kosova për bashkinë e Tiranës është një ndër gjinekologët më të mirë të vendit kjo tashmë dihej. Por Dr. Halimi në takimet e tij me qytetarët ka edhe shumë histori për të ju treguar nga puna e tij ndër vite.
Dhe një ndër këto fakte e ka treguar vetë kandidati i PD që është batuta me ambientalistët: “Syri im në klinikë ça s’ka pa”,
Më poshte po ju rendisim edhe disa të tjera.
“Kush e gjen cili ka qenë numri më i madh i qenve që kam mbajtur në shtepi, deri në mëngjes të rrini nuk keni për ta gjet dot”.
“Kisha një çun një goc, qen. Vër, vër, vër, duke ndenjtë bashkë, kur më vjen nusja dhe më thotë hajde, hajde, shifi, shifi. Dal aty unë, 4 këlyshë, njëri më i bukur se tjetri. Tani u rritën një çik, punë e parë në këtë rast, se u bënë 6, duhet të durosh pak, dhe filluam burrë e gru duke marrë historitë e familjeve të mia që mund t’ia besonim këlyshët e qenit. Mirëpo vinin këta shokët e mi dhe miqtë dhe unë shkoja te prindërit për t’ua marrë këlyshin. Sinqerisht, nga instikti ose më dukej sikur po i merrja kalamanin ndonjë gruaje në maternitet. Sesi më shifte nëna, nuk më thoshte gjë, por sesi më shifte, sikur më thoshte ma more. Dhe e lejsha prap. I thosha më fal, por nuk ia marr dot. Duke e shtyrë, duke e shtyrë, më thotë nusja surprizë, hajde në taracë shpejt. Kur shkoj shoh që kishin bërë dhe 5 të tjerë. M’u bënë 11 qen, pra 9 kalamaj, e burrë e gru”.
“Fjala sterilizim, u bë një nisëm dhe shkova në QSUT. Nuk e di kush më ka taku po deri në 2 të mëngjesit kam qenë në spital. Se situata ka qenë e rënduar. Shifja tufa qensh nëpër spital. Kishte nga ata që thoshin shefo nesër t’i palosim. Jo, më gjeni mënyrë tjetër si t’i heqim nga spitali dhe më pas Ministria e Shëndetësisë financoi pranë bashkisë për të gjetur shiringa të cilat i venin në gjumë për t’i dorëzuar në qendrën që ju keni krijuar. Fjala sterilizim tingëllon pak keq sepse se për zanatin që kisha më dukej sikur po sterilizoja burrat e qytetit.
