Në qytetin juglindor për të 15-in vit rradhazi parada e babagjyshëve ka mbledhur me dhjetëra fëmijë në katedralen e qytetit të Korçës.
Së bashku me babagjyshin, fëmijët të veshur me ngjyrën që simbolizon festat e fundvitit shëtitën përgjatë pedonales duke kënduar dhe krijuar një atmosferë të magjishme festash.
Nga katedralja për në pedonale, dhe më pas në pazarin e vjetër, fëmijët realizuan ëndrrën e 1 viti për të takuar babagjyshin e më pas për të konsumuar ëmbëlsirat e preferuara të tyre.
Një nga Babagjyshët që mori pjesë në paradë është shprehur se ky vit ka qenë më i frekuentuari nga fëmijët të cilët rrinin në radhë për të bërë një foto me të apo për të festuar.
Bashkia e Korçës ka mundësuar shumë alternativa në kalendarin festiv për të argëtuar të gjithë pjesëmarrësit në këtë atmosferë festash. /e.s/
