Qyteti i Korçës dhe zona e Dardhës janë zgjuar ditën e sotme të mbuluara ‘me të bardha’. Dëbora ka arritur nga 5 deri në 10 cm.
Të gjitha akset rrugore në qytet janë të zbardhura me dëborë. Nga kjo janë krijuar disa probleme me energjinë elektrike në zonat malore si Gore, Vithkuq, Moglicë, Lozhan dhe Mokra e Sipërme.
Dëbora nisi në Korçë mbrëmjen e djeshme dhe vijoi deri në orën 2:00 duke zbardhur të gjithë qytetin.
Të gjitha akset nacionale paraqiten me prezencë dëbore, ku gjatë natës është punuar me borëpastruese dhe kriposje.
Ulja e temperaturave ka krijuar dhe prezëncen e akullit në rrugë. Sektori i qarkullimit u bën thirrje mjeteve për kujdes dhe të pajisen me gomat e dimrit, si dhe zinxhirë.
g.kosovari
