Bashkia e Tiranës ka vijuar gjatë gjithë ditës së sotme me monitorimin e zbatimit të kushteve të vendosura prej saj nga operatorët e transportit urban qytetas, për përmirësimin e shërbimit. Gjatë orëve të pikut, inspektorët e Agjencisë për Mbrojtjen e Konsumatorit kanë vendosur edhe 8 gjoba të tjera për disa nga linjat qytetëse, të cilat nuk kanë respektuar 10 kushtet e Bashkisë së Tiranës.
Deri në orën 18.00 të ditës së sotme janë vendosur gjithsej 26 gjoba, për mosrespektim të frekuencave në stacionet e autobusëve, probleme me sistemet e ngrohjes të mjeteve dhe mungesë të uniformave apo shenjave të identifikimit të mjeteve.
Respektimi i kushteve të vendosura nga Bashkia e Tiranës do të vijojnë të monitorohen çdo ditë dhe në mënyrë rigoroze nga AMK-ja dhe Policia Bashkiake. Ftojmë qytetarët që të raportojnë çdo problem lidhur me shërbimin e transportit urban në kryeqytet.
Gjobat e vendosura deri në orën 18.00 në linjat konkrete vijojnë si më poshtë:
Linja e Tirana e Re, autobusët me targa: AA477 LK; AA476 LK; AA958 LN
– Mjete të pacertifikuara
– Mungesë të shenjave të identifikimit
Linja Mihal Grameno, autobusi me targë: AA927 EN
– Mungesë e personelit me uniformë
Linja e Saukut, autobusët me targa: TR 3118U; TR 3117 U
– Probleme me sistemin e ngrohjes së mjeteve
Linja Kombinat-Kinostudio, autobusi me targë: AA072 JC
– Mungesë e personelit me uniformë
Linja Qytet Studenti, autobusi me targë: AA846 KN
– Mungesë e personelit me uniformë
