Policia e Shkodrës zbardh ngjarjen e rëndë të ndodhur dje në Velipojë, ku mbetën të plagosur 2 persona.
Si pasojë e një konflikt për motive të dobëta ku mbetën të plagosur dy shtetas, policia vuri në pranga shtetasit:
Durim Tahiri, 24 vjeç, banues në fshatin Mali Kolaj, Njësia Administrative Velipojë, Shkodër,
Ervin Tahiri, 30 vjeç, banues në fshatin Mali Kolaj, Njësia Administrative Velipojë, Shkodër,
Besnik Ndoj, 35 vjeç, banues në fshatin Gomsiqe e Re, Njësia Administrative Velipojë, Shkodër.
Ndërsa u shpall në kërkim dhe po punohet për kapjen e shtetasit:
A. N, 25 vjeç, banues në fshatin Gomsiqe e Re, Njësia Administrative Velipojë, Shkodër.
Shtetasit e lartpërmendur janë konfliktuar me armë dhe mjete të forta, midis tyre, ku si pasojë e këtij konflikti janë plagosur me armë zjarri shtetasit Ervin Tahiri i cili është në gjendje të rëndë shëndetësore dhe Durim Tahiri i cili ndodhet jashtë rrezikut për jetën.
Në vendin e ngjarjes u gjet dhe u sekuestrua në cilësinë e provës materiale një armë zjarri automatik model 56, së bashku me dy krehëra me 42 fishekë.
Materialet i kaluan Prokurorisë së Rrethit Gjyqësor Shkodër për veprat penale të “Vrasjes me paramendim, kryer në bashkëpunim e mbetur në tentativë” dhe “Prodhim, dhe mbajtja pa leje e armëve luftarake dhe municioneve”, të parashikuara nga nenet 78-22, 25 dhe 278 të Kodit Penal.
