Kryeministri Edi Rama vijoji dëgjesat publike të skuadrave fituese të Partisë Socialiste në qytetin e Durrësit. Gjatë fjalës së tij, Rama tha se me fillimin e zbatimit të vettingut do ketë një koalicion të gjerë opozitar.
Duke mos përmendur emra konkretë, Rama u shpreh se të gjithë opozitarët do të bashkohen në një front të madh.
“Vettingu ka filluar dhe shumë shpejt do të japë rezultate. Keni për ta parë se si ata do të bashkohen. Do të bashkohen dhe nuk do jenë më disa në çadër dhe disa jashtë çadrës. Do bëhet një opozitë e madhe dhe një koalicion i gjerë interesash. Keni për ta parë. Kur dëgjon kush ankohet për zgjedhjet dhe tjetërsimin e votës, por ne e dimë nga brenda kush janë themi Zot na ruaj mendjen se u bëmë si këmbët e dhisë’ tha Rama
a.ç
