Gjyqtari Rasim Doda, i pezulluar dhe hetuar për korrupsion me 8 milionë lekë, fiton përballjen me Ministrinë e Drejtësisë. Në mbledhjen e KLD-s mbajtur një ditë më parë ai ka kërkuar rikthimin në detyrë dhe rrëzimin e kërkesës së ministres Etilda Gjonaj, që kërkonte shkarkimin e Rasim Dodës.
Kërkesa e Ministrisë ishte për shkarkimin edhe të Enkelejda Dodës, bashkëshortes së Rasimit, pasi të dy këta janë gjyqtarë në sistemin e drejtësisë shqiptare. Sipas KLD-s, çifti Doda do të gëzojë statusin e gjyqtarit për aq kohë sa ndaj tyre nuk ka një vendim fajësie të formës së prerë. Rasim Doda u akuzua dhe hetua për korrupsion, por ai mundi të rrëzojë dënimin e tij, duke rihapur nga e para procesin gjyqësor.
