Vetem pak minuta me pare eshte bere publik lajmi se Nezar Seiti do te ekstradohet drejt Italise, per llogari te drejtesise italiane ne lidhje me dosjen “Habilaj”. Seiti ndodhet i ndaluar ne Shqiperi ne lidhje me hetimin per trafik droge ne zonen e Vlores. Pavaresisht vendimit per ekstradim mesohet se ai do te vijoje te hetohet nga Krimet e Renda ne Shqiperi. Seiti u arrestua ne Babice dhe mbahej ne burgun 313. Ai akuzohej si financieri i Habilajve qe shperndante parate.
Arrestimi:
Në vijim të operacionit antidrogë ku në fshatin Babicë u sekuestruan rreth 4 ton lëndë narkotike Cannabis Sativa, u arrestua pronari i banesës dhe u shoqëruan dy shtetas të tjerë ju informojme se:
Policia e Vlorës, në zbatim të Urdhërit të ndalimit të Prokurorisë së Krimeve të Rënda, ka ndaluar edhe një tjetër shtetas si të implikuar në këtë veprimtari kriminale.
Në vijim të operacionit dhe të hetimeve rezultoi si i implikuar në këtë veprimtari kriminale edhe shtetasi: Nezar Seiti, 40 vjeç, banues në fshatin Gjorm, Vlorë.
Vijojnë hetimet lidhur me zbardhjen e plotë të kësaj veprimtarie kriminale si dhe vijon puna për kapjen e ndalimin e shtetasve të tjerë të shpallur në kërkim apo që mund të jenë të implikuar në këtë veprimtari kriminale.Materialet proceduriale iu referuan Prokurorisë pranë Gjykatës së Shkallës së Parë për Krimet e Rënda Tiranë për veprime të mëtejshme
