Autoritetet kineze i kanë arrestuar dhe rikthyer në vendlindje më shumë se 100 myslimanë që janë mbajtur në Tajlandë duke tentuar që të shkojnë në Siri për t’iu bashkuar radhëve të ISIS-it.
Bëhet fjalë për ujgurët turkmen të cilët kryesisht jetojnë në pjesë veriperëndimore të Kinës, transmeton Indeksonline. Më shumë se 100 nga ta kanë tentuar që ilegalisht, përmes Turqisë dhe Irakut, të arrijnë në territorin sirianë që kontrollohet nga terroristët e ISIS-it.
Supozohet se që së paku 13 të arrestuar janë të njohur për autoritetet kineze, pasi që kanë qenë nën survejim si terrorist potencial.
Xhirimi që gjatë kësaj jave e ka publikuar televizioni kinez, tregon të arrestuarit shtetas të Kinës se si dalin nga aeroplani me thasë në kokë në një lokacion të panjohur në Kinë.
