Sekretari amerikan i Shtetit, John Kerry kërkoi sot për një rritje deri në 30 për qind këtë vit të financimeve ndërkombëtare për ndihma humanitare, në përpjekje për të zgjidhur krizën globale të refugjatëve.
Në një fjalim të mbajtur në Forumin Ekonomik të Davosit, Kerry kërkoi një rritje prej 30 për qind në formë përgjigjeje ndaj thirrjeve për financime humanitare të Kombeve të Bashkuara.
Departamenti i Shtetit saktësoi se kjo thirrje për kontribute duhet të mbulojë ndihmën humanitare globale për çështjen e refugjatëve me vlerë 10 miliardë dollarë në vitin 2015 dhe 13 miliardë dollarë këtë vit.
