Kryetari i Grupit Parlamentar demokrat Edi Paloka e konsideron presion i Partisë Socialiste që po ushtron ndaj opozitës, kërkesën për verifikimin e 57 kandidatëve për kryetar bashkie nga 61 të zyrtarizuar nga PD.
Vetëm një ditë pasi nënkryetari i grupit parlamentar të PS Taulant Balla paraqiti këkrkesën që PS i ka bërë Prokurorisë për verifikimin e 57 kandidatëve të opozitës, PD ka ka reaguar duke e cilësuar atë si presion ndaj organit të akuzës dhe vetë qytetarëve që do të votojnë më 21 Qershor.
Në fjalën e tij Paloka se kërkesa e PS drejtuar prokurorisë për verifikimi e 57 kandidatëve, është abuzim i hapur me pushtetin. Sipas tij, zgjidhja nuk vjen përmes Prokurorisë, pasi dekriminalizmi realizohet përmes ligjit që siguronte këtë proces. Por sipas Edi Palokës kjo nuk i leverdis qeverisë pasi në listë ka kandidatë që janë vërtetuar përmes dokumenteve se janë të inkriminuar.
“Rruga e gjetur nga Partia Socialiste është abuzive, kërkon që nëpërmjet forcës së pushtetit të bëjë presion qoftë edhe mbi Prokurorinë për kandidatët e Partisë Demokratike. Por edhe mbi qytetarët. Është një formë për t’i treguar kujtdo që nëse ju na dilni ne mund të bëjmë gjithçka që kemi në pushtet. Përderisa nuk u pranua pr/ligji kishte një qëllim pse nuk u pranua. Nuk besoj se taulant Ballës apo Edi Ramës nuk i pëlqeu boja me të cilin ishte shkruar projektligji. Kandidatët e PS nga ai ligj do të digjeshin direkt dhe kjo nuk u interesonte. Ju garantojë se kandidatët e PD nuk ka asnjë me probleme apo me rekorde kriminale”, tha Paloka.
