Një 23-vjeçar në Kamëz është arrestuar pasi dyshohet të ketë kërcënuar me armë zjarri disa persona pas një konflikti të ndodhur në një lokal (ngjarje e ndodhur më 17 prill).
Në pranga ka rënë shtetasi A.H., 23 vjeç, i cili ka qëlluar në ajër me armë zjarri për të kanosur dy persona të tjerë.
Pronari i lokalit sakaq është vënë nën hetim, pasi nuk ka kallëzuar rastin pranë autoriteteve.
Materialet i kaluar Prokurorisë së Tiranës, për veprime të mëtejshme hetimore.
“Kamëz/Finalizohet operacioni i koduar “Details”.
Zbardhen rrethanat e konfliktit të ndodhur tre ditë më parë, në ambientet e jashtme të një lokali, në Kamëz. Identifikohet, kapet dhe vihet në pranga 23-vjeçari që dyshohet se ka qëlluar me armë zjarri, në ajër, gjatë konfliktit, me qëllim kanosjen e 2 shtetasve. Pronari i lokalit po hetohet për moskallëzim të krimit.
Shërbimet e Komisariatit të Policisë Nr. 5, në vijim të punës për zbardhjen dhe dokumentimin e rrethanave të konfliktit të ndodhur më datë 17.04.2026, në ambientet e jashtme të lokalit të shtetasit Xh. D., kanë organizuar dhe finalizuar operacionin e koduar “Details”. Si rezultat i operacionit, u identifikua, u kap dhe u vu në pranga shtetasi A. H., 23 vjeç, banues në Tiranë. Nga hetimet dyshohet se gjatë konfliktit, në të cilin janë përfshirë 6 shtetas, shtetasi A. H. ka qëlluar me armë zjarri, në ajër, për të kanosur njërin nga shtetasit e përfshirë në konflikt dhe një shtetas tjetër që ka tentuar të ndërhyjë. Nga të shtënat nuk ka patur shtetas të dëmtuar. Po punohet për kapjen e shtetasve në kërkim R. S., R. S., F. Gj., D. D. dhe R. Gj., të cilët dyshohet se janë përfshirë në konflikt, si dhe për gjetjen e armës së zjarrit.
Materialet procedurale iu referuan Prokurorisë së Tiranës, për veprime të mëtejshme“, njofton policia.
