“Keqinformim i Yuri Kim” Meta i përvishet gazetarit: Nuk jam këtu për muhabete rilindjeje

Nga presidenca në një konferencë për mediat, presidenti Meta i pyetur në lidhje me në lidhje me keqinformimin e mundshëm të ambasadores Yuri Kim, preferoi të mos përgjigjet duke i cilësuar si thashetheme rilindjeje.

Meta shtoi se tashmë Presidenti është në detyrën e tij si kryetar i shtetit dhe mbron kushtetutën.

Pyetje: Roli juaj si komandant i forcave të armatosur atë Shqipërisë, a ka një kërkesë nga qeveria turke për ta përdorur bazën e Pasha Limanit si një bazë detare të dytë? Disa muaj më parë, në njërën nga daljet tuaja për shtyp na treguar se ish-ambasadori amerikan Donald Lu ju kishte kërkuar ndjesë se ai ishte i keqinformuar për sa i përket reformës në drejtësi, po ambasadorja Yuri Kim është e keqinformuar, çfarë dini për keqinformimin?

Meta: Ju falënderoj shumë zoti Met, por jam këtu për të folur për gjëra shumë më të rëndësishme dhe këto muhabete rilindjeje lërini për ndonjë vend tjetër. Ua thash se nuk merrem më me këto histori dhe thashetheme. Presidenti është në detyrën e tij si kryetar i shtetit, mbron kushtetutën. Mbi presidentin është vetëm kushtetuta, dhe mbi kushtetutën vetëm populli. Gjithë vendet anëtare të këshillit të OKB-së, të shtohen edhe anëtarët e fuqisë bërthamore që nuk janë anëtare, nuk e bëjnë dot që presidenti të shkelë kushtetutën.

Ndërsa për Pasha Limanin, nuk mund të përgjigjem pasi presidenti nuk i di të gjitha dhe më duhet të këshillohem dhe mund tu jap një përgjigje në kohën e duhur. 

/a.r