Një incident ka ndodhur sot në Durrës. Një pemë palme është këputur duke rënë mbi qytetarët. Ngjarja ka ndodhur në Bulevard pranë sheshit “Azem Hajdari”.
Për pasojë kanë mbetur të plagosur dy persona. Ngjarja ka ndodhur mesditën e sotme, teksa kalimtarët kanë qenë duke kaluar në rrugë.
Dy burrat që janë plagosur janë fashuar me mjete rrethanore nga qytetarët, ndërsa gjaku u shkon rrëke.
Deri në momentin që ka mbërritur ambulanca, kanë qenë kalimtarë të rastit dhe persona që punojnë në zonë, ata që iu kanë ofruar ndihmë.
Fatmirësisht lypësja dhe fëmija i vogël që ndodheshin aty kanë shpëtuar mrekullisht. Një pjesë e palmës ka rënë mbi një motor. Të plagosurit janë dërguar në spital për ndihmë mjekësore.
Lidhur me rrethanat e kësaj ngjarjeje, hetimet janë në vijim. /e.s/
