“Keni 13 vite që Rama u dërrmon në zgjedhje”, Salianji mesazh Nokës dhe Berishës: Duhet gjetur mekanizmat e duhur

Ish-deputeti demokrat Ervin Salianji kësaj radhe u ndal në një takim me demokratët e Korçës, nga ky i çoi një mesazh lidershipit të PD-së të cilët e kanë akuzuar se po zhvillon takime për interesa personale. Salianji i kujtoi Sali Berishës dhe Flamur Nokës se prej 13 vitesh Rama i ka dërrmuar në çdo palë zgjedhje.

“Si mundet të thuhet që qenka problem për PD unë dhe ju që e kemi mund Ramën dhe jo këta që kanë që në 2013 që Rama i dërrmon në çdo palë zgjedhje, PD e ka ende forcën brenda vetes për të bërë ndryshimin, për të bashkuar çdo demokrat të pakënaqur. Këtë e kemi parë në Durrës, Elbasan, Shkodër, Gjirokastër dhe sot në Korçe. Ne kemi në fokus vetëm një element, si të gjejmë mekanizmin e duhur ta rrëzojmë qeverinë e Ramës”, tha Salianji.