Kënga kuqezi ndaj Serbisë, Taulant Xhaka “bëhet” Jakup Ferri (Video dhe foto)
“Tifozat kuq e Zi”, tifo-grupi më i organizuar dhe më i madh i kombëtares shqiptare, që e ndjek atë kudo ku luan, brenda dhe jashtë vendit, po përjeton dita-ditës emocionet e kualifikueses së 8 tetorit në “Elbasan Arena”, ndaj Serbisë. Pasi apeluan fillimisht për të gjithë tifozët që do të jenë të pranishëm në stadium atë ditë, që të mos bëjnë asnjë veprim të parregullt, sepse kjo do të ishte “tradhti kombëtare ndaj kombëtares”, ata kanë lënë një status frymëzues e karikues në faqen e tyre në Facebook.
“Kur 8 tetori po afron, kjo është kënga jonë e preferuar e ditës, e inspiruar nga kënga Jakup Ferri e “Djemve të Detit” – shkruajnë “Tifozat Kuq e Zi, duke hedhur edhe videon përkatëse. Por, ajo që bën përshtypje është fotoja që shoqëron statusin, e cila i ka përshtatur disa vargje të tekstit të këngës në fjalë. Në vend të Jakup Ferrit kanë vendosur Taulant Xhakën.
Sikurse duket edhe në foton kryesore të këtij shkrimi, teksti i tifozëve kuqezinj është ky: Po të shikosh edhe ftesën “këndojmë së bashku”, kupton se këto vargje do të këndohen gjatë ndeshjes ndaj Serbisë, duke dashur të karikojnë jo vetëm “zemërluanin” Taulant Xhaka, por të gjithë kuqezinjtë e tjerë në fushën e blertë, që të fitojnë ndaj serbëve, gjë që do të na afronte ndjeshëm me fazën finale të “Euro 2016”, por edhe do të bënte krenarë tërë shqiptarët, kudo që janë, sepse dihet antagonizmi i pakufi mes dy kombeve tona./Telesport.al
Kenga e “Djemve te Detit”
