Kjo recetë përveç se është shumë e shëndetshme për shkak të vetive shumë ushqyese të tërshërës është edhe një alternativë shumë e mirë pë t’u përdorur si ushqim mëngjesi ose si një ëmbëlsirë e lehtë pas darkës. Zgjedhja është e juaja.
Përbërësit:
100 gr. çokollatë e zezë
2 vezë
100 gr. miell tërshëre
2 lugë mjaltë
2 lugë qumësht
Pjesa tjetër:
luleshtrydhe
mjaltë
Pergatitja:
Nga mielli i tërshërës hiqni 3 lugë dhe pjesën tjetër siteni për të përfituar himet të cilat do t’i shtojmë te pjesa e miellit që hoqëm mënjanë.
Shkrini çokollatën me qumshtin, rrihni vezët mirë me mjaltin dhe shtoni të ajo çokollatën e shkrirë, pastaj miellin me himet, përzijeni mirë. Vendosini të nxehet një tigan me fund që nuk ngjitë dhe shtoni në të një garuzhde nga brumi. Lëreni të piqet nga një anë në zjarrë të ulët derisa të formohen bulëzat dhe ktheheni me shumë kujdes. Piqeni pak sekonda dhe nga kjo anë. Sherbejeni me copa luleshtrydhe dhe mjaltë sipër.
Nëse përdorni një fetë brumi, ky ushqim do të jetë i ngjashëm me krepat, ndërsa me dy shtresa do të vijë në formen e një keku !
