Prej kohësh tashmë “Kaubojsi” i kuvendit kishte rënë në hije, por kësaj here, Eduart Ndocaj… ka goditur sërish! Jo me kapelet apo makinat e tij Al Kapone, por me faqen e tij zyrtare në rrjetin social. Në një postim në faqen e tij, Eduart Ndocaj flet në vetën e 3-të për veten, duke shkruar se “është fotografuar teksa po hynte me një dosje në selinë e FBI-së në Amerikë”.
Pavarësisht se nuk është Ndocaj ai që shkruan përherë në rrjetin e tij social, zëdhënësi i tij, që me shumë mundësi ka bërë dhe shkrimin, mesa duket ka dashur ta bëjë më shumë “intrigante” situatën… sikur nuk ka qenë ai/ajo që ka bërë fotot por ndonjë i panjohur që ka “kapur” ekskluziven… Ndocajn duke hyrë dhe dalë nga selia qendrore e FBI… por a ka shkuar më tutje se deri tek dera “Kaubojsi”, këtë nuk na e vërteton ky raportim misterioz. Javanews/ a.k
Ja postimi i plotë:
Deputeti Ndocaj eshte fotografuar tek sa hynte e dilte me nje dosje ne dore ne seline qendrore te FBI. Akoma nuk dihet arsyeja e kesaj vizite, cfare permbante dosja ne dore dhe ke ka takuar. Duhet te theksojme se kohe me pare Ndocaj dhe Keshilltar i i tij jane kercenuar me jete ne Shqiperi per motive politike. Po ashtu ne Shqiperi ka shume ceshtje te nxehta me natyre politike.
