Një zyrtar i Katarit akuzoi sot në Gjenevë Arabinë Saudite dhe aleatët e saj se po vendos “një rrethim” ndaj vendit të tij me anë të sanksioneve, që do të kenë sipas tij një ndikim më shkatërrues se vetë Muri i Berlinit.
Ali bin Smaikh al-Marri, president i Komitetit Kombëtar të të drejtave të Njeriut të Katarit (NHRC)”, deklaroi se vendimi i disa vendeve për të ndërprerë çdo lloj marrëdhënie me Katarin po çon në ndarjen e familjeve dhe cënuar të drejtat e shtetasve në të gjithë rajonin.
“Ky rrethim dhe këto masa cuan në atë që quhet një dënim kolektiv”, deklaroi al-Marri për median, duke i kërkuar komunitetit ndërkombëtar, kryesisht OKB-së dhe Komisionerit të Lartë për të Drejtat e Njeriut për të ndërhyrë.
Arabia Saudite, Emiratet e Bashkuara Arabe, Bahrein dhe Egjipti njoftuan në fillim të qershorit ndërprerjen e çdo lloj marrëdhënieje me Katarin për shkak të mbështetjes së dhënë ndaj grupeve ekstremiste dhe afrimit politik me Iranin shiit. Katari hodhi poshtë këto pretendime.
Në mesin e masave të njoftuara, katër vendet i parashtruan një afat 14 ditor shtetasve të Katarit për të lënë vendin e tyre, duke i bërë të njëjtën kërkesë shtetsave të tyre që jetojnë në Katar./a.m.
