Gjykata e Hagës pritet të marrë sot një vendim për ish-gjeneralin serb Ratko Mlladic, i konsideruar si një ndër kasapët e Ballkanit, për krimet e tij në Bosnje-Hercegovinë.
Por gjatë seancës Mladic është nxjerrë forcërisht nga salla, pasi nisi të fliste pa leje dhe të ulëriste kundër gjyqtarit.
Përpara tij, në mars të vitit 2016 Gjykata ndërkombëtare e Hagës për krimet në ish-republikën e Jugosllavisë dënoi edhe ish liderin e serbëve të Bosnjës Radovan Karaxhic me 40 vjet burg, duke e shpallur atë fajtor për 10 nga 11 akuzat kundër tij. Akuzat kishin lidhje me organizimin e mizorive serbe në Bosnje gjatë viteve 1992-95, si pasojë e të cilave kanë humbur jetën të paktën 100 mijë persona. Ai u shpall fajtor për organizimin e genocidit të vitit 1995 në Srebrenica, ku forcat serbe ekzekutuan rreth 8000 burra dhe djem, si dhe për nënte akuza të tjera si krime kundër njerëzimit, vrasje, deportim, terror dhe sulme të paligjshme kundër civilëve. Mes këtyre akteve brutale ishte edhe rrethimi 44 mujor i Sarajevës, ku mbi pesë mijë civilë humbën jetën.
a.ç
