Policia italiane ka arrestuar në flagrancë tre shtetas shqiptarë, pas një kontrolli të zhvilluar në një vilë në zonën Vaccarella Foggia.
Sipas policisë vendase, kontrollet nisën pas dyshimeve se disa shqiptarë që jetonin atje merreshin me shitjen e lëndëve narkotike.
Si pasojë, karabinierët nisën menjëherë kërkimet dhe një nga personat, të cilit nuk i kishte mbetur asgjë për të bërë, hodhi përtej gardhit rrethues një qese të zezë nga ato që përdoren për mbeturinat.
Mediat italiane shkruajnë se në pranga kanë përfunduar shtetasit Paola Muhametaj, 20 vjeçe, Jurgen Bubeqi, 35 vjeç dhe Xhulio Mance, 26 vjeç.
Gjithashtu bëhet e ditur se aksioni përfundoi me zbulimin e parave të gatshme, të ardhurat që kanë të bëjnë me drogën, dokumenteve të rreme dhe rreth katër kg marijuanë, që u gjet në qesen e hedhur jashtë.
Të tre u arrestuan më pas për posedim me qëllim shitjen e drogës ndërsa janë vendosur nën masën e sigurisë “Arrest shtëpie” në pritje të vendimit përfundimtar.
a.ç
