Për juristen Brizida Gjikondi, hartimi I listave nga Berisha duke hequr kundërshtarët dhe duke vënë në rradhët e tij besnikët, është pabesia e rradhës nga Berisha.
Sipas saj, deri në këto orë Berisha ka mbajtur me shpresë që të kishte sa më pak pasoja në hartimin e listave.
“Besoj se Sula i Elbasanit është penalizuar për mbrojtjen hapur ndaj SPAK. Zoti Sula duhet ta kishte pritur këtë pabesi nga Berisha sepse Berisha mbahet për pabesi jo vetëm ndaj Sulës, kemi pasur dhe një reagim nga Tabaku. Të dy janë pozicionuar haptaz kundër Berishës kur ai doli Non Grata. Janë orë të së vërtetës për të parë se kush është Berisha i vërtetë dhe ato pseudoprimare që bëri ishte për të gënjyer njerëzit. Primaret ishin një fallsitet. Berisha dhe familja e tij marrin vendimet. Brenda deputetëve që kanë qenë kundër Berishës dhe janë kthyer tani pro Berishës, pak prej tyre janë në listë të mbyllur.
Hilja më e madhe e asaj që ka bërë Berisha është se deri në orën e sotme i ka mbajtur me shpresa që të kishte sa më pak pasoja në hartimin e listave. Dhurata Cupi që ka qenë krah tij nuk e ka përfshirë, Berisha ka bërë lista me njerëzit e bindur të familjes së tij. Ka kriter vetëm bindjen e verbër të njerëzve ndaj tij.”
