Kryeministri austriak Kurz ka pritur sot në Vienë kryeministrin Edi Rama, takim në të cilin ai ka nënvizuar rishtazi mbështetjen e fortë të Austrisë ndaj Shqipërisë dhe Ballkilanit Perëndimorë në rrugën e integrimit. Pjesë e këtij takimi ka qenë dhe forcimi i masave për ndalimin e fluksit të emigrantëve në drejtim të Austrisë. Shefi i qeverisë austriake ka theksuar se vendi i tij është i gatshëm që të ndihmojë policinë shqiptare si në nivel teknik, por edhe materiale duke ofruar mbështetje financiare, si dhe policë austrik me qëllim ndalimin e fluksit të emigrantëve.
“Shqipëria është e gatshme që të luftojë emigracionin ilegal”, deklaroi Kurz.
Kancelari theksoi se ka disa vende skeptike në lidhje me hapjen e negociatave, që kanë të bëjnë me problemet e tyre të brendëshme dhe jo me Shqipërinë. “S’mund të them ende nëse do ketë një finalizim”, theksoi Kurz.
“Të gjitha vendet e BE kanë nevojë për një perspektivë Europiane. Më parë ka pasur tensione për shkak të probleme etnike apo të tjerave politike. Stabiliteti në Ballkan do të thotë më shumë siguri dhe stabilitet edhe në vendin tonë. Folëm për emigracionin ilegal dhe rrugën nga Shqipëria që po ndjekin klandestinët nga lindja. Dëshiroj ta falënderoj Ramën, që në Shqipëri është gatishmëria për të luftuar emigracionin ilegal. Shqipëria ka nevojë dhe e ka merituar edhe mbështetjen tonë. Rama më kërkoi ta mbështes dhe unë i kam premtuar mbështetje financiare për Shqipërinë dhe vendet e tjera që janë në rrugën e re të Ballkanit për të luftuar emigracionin ilegal. Do ta mbështesim me policë të rinj, por edhe në fusha të tjera. Së bashku me Ministrin e Brendshëm që së bashku me partnerët e tjerë që të ndalojmë fluksin e emigrantëve. Negociatat? Nuk mund të jap siguri të qartë për këtë, ka disa shtete që për shkak të problemeve të tyre të brendshme e kanë të vështirë të thonë ‘PO’ por ka një dëshirë të plotë që Shqipëria të vijojë rrugën e reformave. Ka një mundësi të mirë që të shkojmë në rrugën e reformave”, deklaroi Kurz.
Rama
Austria është një avokat i paçmuar në rrugën tonë drejt integrimit dhe unë dua ti shpreh kryeministrit dhe qeverisë austriake mirënjohjen tonë. Shikojmë një progres në marrëdhëniet bilaterale, aspektin ekonomik, por edhe përmirësimit të marrëdhënieve brenda rajonit tonë. Në 6 muajt e ardhëm në Presidencën austriake, dëshirojmë që të shtyjmë projektin e lancuar nga unë dhe Vucic për tregut e përbashkët në Ballkanin Perëndimor. Përsa i përket emigrantëve që lëviznin nga Greqia për të ardhur në Europë. Kemi një fluks që rritet, por që për momentin ka qenë i kontrolluar prej nesh, por na duhet bashkëpunim për të shmangur rishfaqjen e skenave që tronditën Europën. Kemi dakordësi të plotë për bashkëpunim me Austrinë dhe vendet e tjera. Përsa i përket negociatave Shqipëria e meriton.
ma.me/javanew.al
