Në kamion ai kishte më shumë se 20 kg marijuanë. Shqiptari u arrestua dje në Prato, afër një qendre tregtare. 39-vjeçari u arrestua me akuzën e trafikimit ndërkombëtarë të drogës nga karabinierët e Firences gjatë një operacionit anti-drogë.
Në momentin që policët ndërhynë, shqiptari po fliste në telefon me dikë që dyshohet se do të ishte personi që do të merrte lëndën narkotike.
Sasia prej më shumë se 20 kg marijuanë ishte fshehur në valixhe me rroba. Kamioni ishte me targa shqiptare, shkruan panorama. Policia italiane thotë se marijuana vjen nga Evropa Lindore dhe kishte si destinacion tregun e toskanës.
