Njëri prej kamikazëve që kreu sulmin vetvrasës pranë stadiumit “Stade de Francë”, ku po luhej ndeshja Francë-Gjermani, ishte vetëm 15 vjeç. Adoleshenti ishte stërvitur nga ISIS.
Sipas mediave franceze, njëri prej kamikazëve të tjerë, me pasaportë siriane ishte 25-vjeçar, dhe ai kishte hyrë nëpërmjet Greqisë fillimisht, ku ishte paraqitur si refugjat lufte. Këto informacione konfirmohen nga Ministri grek i Mbrojtjes.
“Duam të deklarojmë se pronari i pasaportës që është gjetur në Paris ka kaluar nëpër ishullin Leros më 3 tetor”, ka thënë ministri grek për mbrojtjen e qytetarëve Nikos Toskas.
Ndërkohë, raportohet se është gjetur edhe një pasaportë e një egjiptiani 30-vjeçar.
